উধঙর… ( চাকমা কবিতা )

0
39

উধঙর…

আলোময় চাকমা 


লাদি দ্যু তুঝো আলঝি,
কানজাবা ভাত এক্ক্যু লুঙিঁ!
ন’ ফেলেবং। ফেলেদং নয় চোঘোপানি।
এনে মরা, এনে মরা।
হদক হেদং পড়াধরা।
উতসরেই উতসরেই ব্যেলাম্বা জিংকানি।

এক ওই বেক্কুনে,
উযে যেই মুজুঙেঁ।
দুখকানি সুখ ভাবী, জাত-মাত রেনি চে।
দিয়োই ফেলে মরা হিজেক!
অফিত্তি হদাকতালাক!
বিদিযিয়া তর-মর মান অভিমান ভুলিনে।

হদক আর মুরিদং!
কাজিয়্যে ফুরেদং।
ঝাড়ত রাত পুড়ি এত্তন হুংগাজ।
হুংগাজচুন ল’ মুগোর ভাবী,
চান্নোকানি বাজ কাবি কাবি,
ন’ কুলেলে টানি ল’ পিজুম বাজ।

হদক আর বানেদং,
পাল্লেংঘর, আল্লেংঘর, চবাশালত রুভোঘর?
দুলি নেজেই তারারে,
উযে যেই সমারে,
মুই অলে উধঙর!


০৫/০১/২০১৮

LEAVE A REPLY

Please enter your comment!
Please enter your name here