icon

বারবো য়্যেত (চাকমা কবিতা)

আলোময় চাকমা

Last updated Dec 16th, 2019 icon 117

বারবো য়্যেত

আলোময় চাকমা 

গায় গদরে চিগোন চাগোন মুড়ো পারাহ য়্যেত!
তাত্তুন ডাঙঁর আগন ভিলি,
হধা বাত্তায়, বলে বোলী,
বিস্বেস ন’ যায় হামাক্কায় তে সংসার অলেও কেত।

গল্যাং গল্যাং আধে তে, কাররে হিয়া ন’ গরে।
হুচ্ছুন তার হম্বা হম্বা,
হুজোত আদিবাক হয়েক তম্বা,
দরবার গরে সংসার জগা হন্না উদেই পারে।

বুদ্ধি পেদা শিয়াল পুণ্ডিক, অনেক ভাবী চেলঅ,
ঘুম ত’গুরি হয়েক রেত,
হুল ন’ পেই কনঅ হেইত,
চরাত যাদে আধা পধত কুদুক কাদাক দেলঅ।

বুদ্ধি উদিল’ চোরোত চারাত, উবয় পেল’ ছুপ।
হেচ্ছান যুনি সেম্বা অলে,
য়েমান্য অব’ হম্বা সালে?
এবার যুনি বানে ন’ পারং, বারবো য়্যেত্যরে বুপ।

যেন ভাবনা সেন কাম, য়্যেত্য ইদু গেলঅ।
মুড়ো উদি মুড়ো লামি,
তেল্যা হলার বন ভাঙীঁ,
হদক হষ্টে অঘুর ঝাড়ত য়্যেত্যরে ছুপ পেলঅ।

য়্যেত্যরে হয়ধি, বন’রে বন, ইয়ান হি হেচ চা।
কুদুক কাদাককো দেঘে কয়,
হেচ্ছান যুনি এম্বা অয়……
য়্যেমান্য তর হম্বা অবঅ, দোলে ভাবী চা।

কুদুক কাদাবো ধুরিপুরি য়্যেত্য যেক্কে চেলঅ।
ডরেল’ নাহি লাজেল’
নাহি য়্যেমানুন আঝেল’।
তুই থাক মুই যাং, বেক বাঃরানি ধেলঅ।

বুঝ পেনে পে য়্যেত্য এবার, লুগেই থল’ বাঃরান।
শিখকে পেল’ বুঝ অলঅ।
মনে মনে এগেম হেলঅ।
সিত্তুন ধুরি হুগুরে ভুগিলেও হানানও ন’ লাড়ান!!!

26/11/2017

Share:
জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - [email protected] এই ঠিকানায়।

আরও কিছু লেখা

আলোময় চাকমা

Subscriber

Follow আলোময় চাকমা

Leave a Reply

Your email address will not be published. Required fields are marked *