ভাবঙর মুরোত পুড়ি ( চাকমা কবিতা )

0
20

ভাবঙর মুরোত পুড়ি

আলোময় চাকমা


জাগুলুক মনানর।
কদ’ কধা ভাবঙর।
ছিনে সুধো মু নেই।
ভাবঙর মুরোত পুড়ি।
এব’ আমি হুদু আঘি।
কার’ লাগত কিয়ে নেই।

আধির দ’ যা ধগে তে।
যেবার চেই আগে আগে।
ন’ চিনির পদ-ঘাট।
দোল দোল পদ থোই।
বজং পদ বেহ লোই।
ভুলি যের জাতপাত।

জাদে মরের ঘুরহারি।
ভেইয়ে ভেইয়ে মরামুরি।
মা-বোন আগন রাণী ওই।
দিন যার কার যার?
পুড়ি যার বসকাল।
কন্না ভাবের নিবিরত বোই?

নিলাক নিলাক জুম্মবীরে,
এক্কা গুরি পেই পীড়ে।
থেলেও বা কি অবঅ?
এচ্যে নয় কেল্যে,
যে ধগে ঘাজির ইমিল্যা।
থেলেও জুম্মবী একদিন ঘাজিব’।

ন’ থেলে জাদর টান,
সে মাঞ্যেঁ ভুলি যান
মা, বাপ, ভেই বোন।
শিঘেই না গুরোত্তুন ধুরি,
জাত হোচপানা কুড়িকুড়ি,
যেন জাদর বুগোত আবুজোন।

পুত্যাই পারা জুম্মোবী,
আধে হোদালে ন’ ভাবী।
ভালেদী কামত উজেদং।
যিবে যিয়ে সিবে যোক,
ন’ যায়দি সিবে থোক।
এ কধানি ভাবীদং।

জরা ন’ বদে মনানত।
পুড়িযার হরানদ।
দাঙাঁ ভুইয়ো ধক শনহলা!
বেগে গত্তন রংধং।
ওজোর আওচ পুরোদন।
রেঙেঁ গীদে হোইহুল্লা!


১৯/১০/২০১৭

LEAVE A REPLY

Please enter your comment!
Please enter your name here