আলসি মাঞ্যোঁর কবিতা
আলোময় চাকমা
আলসি মাঞ্যেঁ বেনা ভাঙঁন্,
বেনা ভাঙঁন্ সজগুরি।
ভাতমজা পাহ্ ধুন্দ মজা,
ধুন্দ লন্দে বেশগুরি।
তুগুত্ তুগুত্ ধুন্দ হান্,
কাম’ বাগত্ বোই।
সমাজ্যা পেলে দিবোর হাদান্,
নানান্ হধা হোই।
উঝোনি-লামনি দুখকান্ পান্,
বাগত্ ন’ পরে কামানি।
গপ্পানি তারার আহসায়।
আজাবের ন’ হায় হধানি।
কামত্ যাদে বেগ’ পিজের,
এত্তে ছহলাত্ আগমুলী।
ধুদি গুজচোই হোজ্জে বাঝান্,
দিয়ে ন’ থেলে রাগতুলি।
———–(সংক্ষেপিত)
০৫.০৫.২০১৭
