যা দগে তেহ্ (চাকমা কবিতা )

0
33

যা দগে তেহ্

আলোময় চাকমা


যুদো যুদো মানুচ্,
যুদো যুদো ধক্।
ভাবনা বেগর যুদো যুদো।
হিয়ে পেল’ মনত্ দুখ্!
হি গল্ল’ ইহিঁজক্।

ত’ মদে যিয়ান্ অয়,
ম’ মদে সিয়েন্ নয়।
যে যার মদে অদেঅদ্।
ধুরিলে নেই ছাড়াছাড়ি,
বংশ উবোদ্ মারামারি!
ওই যোক্ পিত্থীমি ক্ষয়!

বুজিনেই ন’ বুজি,
শুনিনেই ন’ শুনি,
হেজ্ পাদে মনে মনে।
মুগোত্ বেগর দোল্ হধা।
অন্তরে অন্তরে জানে তিদা-মিদা।
ঘুমোছল্ ধুরিলে,
হুভাচ্ হুচিদে মনত্ উদিলে —
মিলিনেই গোদা পাড়াল্যে–
ন’ পারে জাগে হিয়রে,
যুদি নিজে ন’ জাগিলে।

যে যা দগে তেহ্ দোল্।
বেগর এই দোল্ নিনেই,
পিত্থীমি ইচ্চা ওই যার ওল্।
বেগর মন্ দোল্ অলে —
গঙেবার দিনুন্ গঙেদঙ্ গমেদালে।
ন’ থেদ’ হিংসে পিঝুম্,
রেজারজি, ভারাভারি, মারামারি।
ন’ থেদ’ মনর হুলুক্,
ভেইয়ে ভেইয়ে, বাবে-পুদে লড়ালুড়ি।

মাঞোঁরে ভাবী নিত্য অঁশিঁজিঁ।
লেদাপেদা গুলিমিল্যা হাজরে।
ঘিলেহোজোইয়ে নিত্য বুর পারি,
হদক্ পবিত্র ভাবী নিজরে।।।

২১/১২/২০১৪


LEAVE A REPLY

Please enter your comment!
Please enter your name here