চগদা (চাকমা ছড়া)

0
47

চগদা

দীপনা চাকমা দীপু


ঘরঅ হুরে গোয়্যেম গাছচু গোয়্যেম ধস্যুন বেজগুরি
চগদা এক্কু নিত্য এইনে গোয়্যেমুন হাইগোই চুরগুরি।
একদিন্যে জুরো গুরি তারে রোয়্যুংগে হাপদি
চাংগে গোয়্যেম গাছচুত লুঙিলোগি এক্কু ফালদি।
ইন্দি বেরাই উন্দি বেরাই বাদি পাগানা বেজ তোগাই
ইবে এক্কা উবো এক্কা গুরি বেগ গোয়্যেমুন হামাড়াই।
যেক্যে ডাঙর বাদি গোয়্যেমমোরে নেযার মুওত গুরি
ম জগারত উগুরি উদি গোয়্যেমমো ফেলেল ভুগগুরি।
লেজ উবোগুরি দিলো ধাবা তদদক তদদক গুরিনেই
এক্কানায়্যু ন এযে আর গোয়্যেম হা সিত্তুন ধুরিনেই।
চিতপুরিলু বেজ গুরিনেই হিত্যে গুরিলুং সে দেঙান
আন্দলেত্তুন রিনি চেই থাং হক্যে দিঘিম তা ঠেঙান।
একদিন যায় দিদিন যায় চের পাজ দিনো মাধাত
আদিক্যে গুরি দেঘিলুং তারে গোয়্যেম গাছচু ফাগাত।
আদে ঠেঙে ধুরিনেই এগেম গুরি গোয়্যেম হার
গম লাগিলু তারে দেঘি মনানে হত্তে চে থেবার।
Squirrel
চগদা (কাঠবিড়ালী), ছবি: thecut.com

LEAVE A REPLY

Please enter your comment!
Please enter your name here