ইরুক ফগুনোত

0
38

ইরুক ফগুনোত

ইরুক ফাগুনোত তরে সবন দেগিবের আহওঝ এল’ পরানি
সেমে ফুলর কজমা এ্যালানিত,বিরেজ পেগোর থুবো ফাগুনো মেলোনিত
সোজ পিনোন পিনি,নাকশ ফুল চুলত গুজেই
টেঙত হারু ঝনাত ঝনাত আবাজে
মর সাঙুদোরত হুচ ভাবেয় জাগা জুরিবার কধা এল’ নাগরি।।

জুনোপহরত ম কায়,জাগা লবে গায় গায়
কুঝি কুঝি রেবেক ফুলোর পাগোরে
ছিদি পরিবো তর নোনেয় নোনেয় কধানি।
তর কজই রঙ ছিদেব’ চেরোকিত্যা কজমা রান্যেত, কিরবে বেল ফুদোন্দিত
বিঝু ফুল ফুদিবাক মোনে মুরোয় রিজেব ঝারর ডাগোনিত।
তুই অবে মর রিজেব ঝারর পরানবি
অরিঙে মোনত কুঝি রান্যেত সয় সাগর জাগা ঝুরি তবে
পুও পুও গীদর হেংগ্রঙর লবিয়দিত।
তুই অভে মর মোন মুরোর চিদদিঘোল সমারি
ছদরক ফুলর তুমবাঝে ছিদিবো গমপানা মোনবি।।

LEAVE A REPLY

Please enter your comment!
Please enter your name here