ছড়াঃ বিঝু সাম্বাদ্

0
19

ছড়াঃ বিঝু সাম্বাদ্

আলোময় চাকমা

ফুলুনে দেধন্ সাম্বাদ্,
বিঝু এ্যবার হাজেয়্যে।
ফুদদন্ গাজে গাজে,
ইলেপাদারে হুজিয়ে।

ফুদদন্ নানান্ ফুল্,
নাগর মাত্তন্ পেক্কুনে।
বিঝু এজের জুগোল্ অধন্,
গাজ্-বাজ্ বেক্কুনে।

বিঝু ফুল্লো তেনা দেল্লি,
মাদি ফাদিনে।
গেল্লে বজর লাগে থুয়োন্নি,
দ্বি আট্যে-নাদিনে।

ফিরিলো ফাগুনো আহবা,
মাত্তল্ বুইয়ারান্।
ঝিমিদত্ নিল’ উড়েই,
দোগোনত্তুন্ হবঙাঁন্।

 

LEAVE A REPLY

Please enter your comment!
Please enter your name here