কবিতাঃ বিজগর পধে পধে

0
25

কবিতাঃ বিজগর পধে পধে

আলোময় চাকমা

—ঘরত্ উন্দুরবো উদের আর পড়ের ;
জাত্, মাত্ ভালেদী? ঘুরহারি মরের!
যা লড়ের………
তদাত্ তলে ডুগুত্ ডুগুত্ পরানান্!!!
—উড়িঙোঁ লগে চঙঁড়া পাগল্ ;
সিত্তুন্ বেশ্ আমি আগল্ আগল্।
যে যে পাগ্ হেব’ হোক্ পিত্থীমি ;
আহ্ এদক্কি উলোমস্ত’ আমি?
আধাবুব্, আদুর্ জাত্! ন’ দেঘর?
ঘাটহুলে ভাজোঞ্যাঁ, সাঙুদোরোত্,
আবুজি আঘেগিবো মরনান্!!!

—কার মা’ত্তে আভিলেজ্ হের?
আগ্ আগ্ হোসপানা কারে গোঝের?
যে মামাহ্ ঘু-মুত্ কাজেই এম্বা গুরিল’,
ভুলি যের ভুলি যের সে মামারে।
পিত্থীমির উলোমস্ত গঙাঁরে।
ন’ মাধেইর, ন’ চের ফিরিনে !!!
—সাত্ কাম্ ফেলে পধে পধে ;
Celebrate গুরির Thirty first Night,
Valentine’s Day.
দুষ্ কারে দিবং,
ধুন্দুক্, আভিলেজ্ হেনেই?
লাভ্ নেই লাভ্ নেই।
দেঘির্ দ’ যাদনচে যাদন্ পরর আধত্ ধুরিনে!!!

— ন’ ফুরাদে চোঘোপানি, ভুলিযেই দুগ্!
মন্ সজ্, বুকপড়া হাক্কন্।
থাহর্ নেই কন্ মানেই হুনদি মরের।
ন’ ভাবীর্ হেনে অলঙ্,
মধং মাধাং আদেপেদে!!!
— ইক্কো তিনাঙ্ ফালাঙ্ জাদে ;
নিজোর পধ্ বাদদি,
যুনি পরর পধে আধে।
দেরী ন’ লাগে মিজেই যাদে।
আ, হেনে উদোন্ বুরুজ্।
রেনি চেলে দেগিবা,
বিজগর পধে পধে!!!

LEAVE A REPLY

Please enter your comment!
Please enter your name here