হি গুরির??? ( চাকমা কবিতা )

0
29

হি গুরির???

আলোময় চাকমা

নিজর ভাচছানি হোইদি থোদে থোদে,
নুদি হিরিমিরি ভাচ্ হধে হধে…..
এক্কাউক্কো লেঘাশিঘি।
নিজে হোর, গুররেও শিঘের,
দুনিয়ের অপসংস্কৃতি গুররে দেঘের,
গমানিত্ ন’ ঘাজির……..
ভাঞ্যেঁনিত্ জিদেজিত্যা দেঘাদেঘি।

রাধারাত্যা কুরো ধক্,
যিন্দি হে পেই গুলোদক্,
লুর বদলানা হেমানেই।
বকচরা ভুরিলে তদাসং,
ন্যেয়-অন্যেয় ভাবীবের ন’ থায় গং,
মানবতা গুজ্জের ঈলেপাদারে পুড়িনে।

ঘুরহারি মরের দেজ-জাদ’ চিদে,
ভাচ্ আলামে উদি পুড়েলং ভিদে,
আহরে ফুরেলং জাত্-মাত্ সংস্কৃতি।
নিজর মা-বোনর হবর নেই,
পরর মাহত্যেই আবিলেশ হেই,
জাত্ বিজোর লুগেবাত্যে….
রুভোঘরলোই গুরির পিড়িত্তি!!!
১৭/১২/২০১৫ ইংরিজি।

LEAVE A REPLY

Please enter your comment!
Please enter your name here