“১০ই নভেম্বর তুই”…… ( চাকমা কবিতা )

0
24

১০ই নভেম্বর তুই……

আলোময় চাকমা

১০ই নভেম্বর তুই,
একবুক ঢিবেঢিপ্যা বুবো স্ববন!
রোয়োনি বুগোর হনিজিস্যা বঃনিজাস!
দাঙাঁ আগুনে পুড়িযিয়া তজশুগুনো জাগাত্,
যেন, আধাসিজা হলাগাজ।

১০ই নভেম্বর তুই,
বুকশুগুনো, তদাশুগুনো র’ ছাড়ি ন’ পাজ্যা,
রাণীমিলের পেদা ছারি ছারি আভিলাস!
ছিনং ছিনং পরানর, ন’ ছিঞ্যাঁ জীংহানির,
উম উম…..বঃনিজাস!

১০ই নভেম্বর তুই,
গালচাবাত্ শুগেযিয়া চোগোপানির মাজারা।
কানুনি মেলে যেই, এক মুখ্যা এক রিনি,
ছেঁচুক ছেঁচুক গুরি, বানাহ্ যহর,
বুগো ঢিভা ছেজেরা।

১০ই নভেম্বর তুই,
বজর ফিরি এলে এলে এ দিনত্,
কি নেহ্ কি ঈধোত্ গুরি…
এক বারেঙ দুখ্ মনত গুরি!
শিরোপানি নয় চোগোপানি,
ত’ দুঘে কানিযার পিত্থীমি।
বুরিযাদন মোন-মুড়ো, হুজিরাঞ্যাঁ,
তর রাঙাঁ স্ববনর হিলচাদিগাঙর জাগানি।
ত’ উদিজে তেবে তেবে উতসরেলুঙ,
দ্বি চোগোর ধারাবিয়া চোগোপানি!!!

১০/১১/২০১৫

LEAVE A REPLY

Please enter your comment!
Please enter your name here