হাঙারা ধরা
আলোময় চাকমা
লুরো লবে নেনা বোম্বা লবে,
আক্কল্ অবে নেনা পিচ্ছের অবে?
নাহি আর’ ডরেম হবে!
ভাক্ গুরি যেবঙ্ দ্বিজন্ দ্বিজন্,
ধুরিবঙ্ হাঙারা যে যার অজন্।
পুজোর গুরি চ’ আগি ক’জন্।
ধোঙওয়া লগে ধনবী যেব’,
জুম্মবী ম’ লগে থেব’।
সাজ্ গুঙিঁ গেলে লত্ দিবঙ্।
দুলো পুরেলে ফিরিবা,
তেগ’ দজরত্ বাচ্ছেবা।
এক্কুই সমারে ফিরিবং।
ইজা-মাছ্ ফেলে ধুরি লোই,
হোজুলী গুরি ভুজিরে হোই,
রানি হেবংগোই সমারে।
গব্ মারিবংগোই জুন্ পহরত্,
ধাগাধাক্যা বোই ইজোরত্,
এজ’ এজ’ বলাঞ্যাঁ দিলুঙ্ বেগরে।।।
১৯/১২/২০১৪
