“মরনর হায়হুরে” ( চাকমা কবিতা )

0
34

“মরনর হায়হুরে”

আলোময় চাকমা

আঝি আঝি ওক বা হানি হানি,
উজে যের মুজুঙে,
জিরেন নেই গুরিনে,
মরনর হায়হুরে দিন গুনি গুনি।

গাবুজ্যেয় দোল চেদার,
বুজ্যেও বুদ্ধি পেদার,
উজ নেই মুরিবার।

ঘনাদন্দি দিনদিন,
ঝিমিদত্ দুই তিন।
ন’ পেবে গুনিবার,
দিন মুলুক থারেবার।
ঐবো মরনান হায়হুরে,
থবাগত্ আবুজি…
বাচ্ছে আগে মুরে মুরে।

চোঘোত ভাজের সুখ সাগর,
সেনে বাহনর বিল্ডিং ঘর।
হদক আঝা মনানিত,
সুখ গুরিম জীংহানিত।
সেনে আগচ হুজিয়ে,
আঝি হুজি রুজিয়ে।

হানের না আঝের ভগবান,
হিয়য় ন’ পেই হবরান।
পুজি যেবগোই ছলঙান্,
কিত্তি থেব’ নিজ নাঙান।
ন’ দেবঙ্ ম’লে পত্থমে।
ও মন, এ হধানি ভাপ্যচনে।

আবুজি আগেগি থবাগত্,
পরর নি হন’ হার পাগত্।
যুনি গরচ্ ধেঙ্ বাজি,
আধত লোনেই বড় হাঝি।
দিবগি অলগা গত্তনাত্,
উহুলে থেবেগোই পত্তানাত।

ন’ ভাপ্য মুই হঙর ভিলিনে।
হুজুপাদা পানি,
মানেয়র জীংহানি,
ইচ্চা আঘি হিল্যা নেই।।।

০৭/০৯/২০১৫

LEAVE A REPLY

Please enter your comment!
Please enter your name here