অক্ত ( চাকমা কবিতা )

0
17

অক্ত

আলোময় চাকমা

অক্তয়ান্ যুনি থোই পাত্তঙ্ বানী ;
চিগোন্ কালে কাদে দিদুঙ্ গদা জীংকানি।
ন’ থেদাক্ শত্রু মর ;
ধল্যাচরত্ বানীদ্যুঙ্ ঘর।
দিন্নো কাদেদুঙ্ ধল্যাচরত্ ;
বিল্লে গুজি মাত্তুঙ্ মামাহ্ হরত্।
জাগা-পানি, ধন্-দৌলত্ ;
অহবার ন’ চেদুঙ্ মানী-জ্ঞেনী।
আঝি পাত্তুঙ্ হুজিয়ে ;
ন’ শুগাদে গালচাবাত্ চোগোপানি।

কধানি ন’ অদ’ ছারানাদা ;
মূয়োত্ ন’ ফুত্তো মিজে কধা।
পহঁত্যা পেগর নাগরানি ;
অদ’ মর কধানি।
ফুদোন্দি ফুলোর পাগোরান্ ;
অদ’ মর মূয়োর আঝিয়ান্।
পেবার আঝায় ন’ আঙিঁদো বুক্ ;
জীংকানিয়ান্ অদ’ পেলাংবিয়া সুখ্।
ইক্কো মাদি দলালোই হুজি থেদুঙ্ ;
পাত্তুঙ্ যুনি অক্তয়ান্ বানী রাগেদ্যুঙ্।

কি দোল্ চিগোন্ কালর অক্তয়ান্।
দিন্নোবো লুদুপুদু মাদিলোই ;
সংসমাজ্যালোই খারা অই।
ঘুম্ যাদে ন’ তোগেদ্যুঙ্ ;
তোজগর ফুলর বিচ্চনান্।।।

০৯/০৭/২০১৫

LEAVE A REPLY

Please enter your comment!
Please enter your name here