পরা কবাল্ ( চাকমা কবিতা )

0
34

 পরা কবাল্

আলোময় চাকমা

পাদি, বালোচ্ কবালত্ নঅ জুধে ;
ভাঙাঁ তলোইয়র বেত্ পিদিত্ ফুদে।
কাদে ইচ্ছেই দিম্মাদান্ রুধে রুধে ;
নহে হুম্বিক্, সয়ে দুখ্, ন’ ভদভদে।

তুয়ো শিঘেলুঙ্ দ্বি-এক্ মাত্রা আওজে ;
কিজেনী কন্ কূ হেনর, কন্ ধারাজে।
কন্ বুড়ো হুদু মত্তন্, যার গা’ত ন’ বাজে ;
মা, বাবর নাঙ্ নেই, সে পুও বিদেজে।

বজর’ মাধাত্ একদিন্ তে সময় ন’ পায় ;
এব’ ভিলি আওজে মা, বাব’ কায়।
ডেনে নেই, বাঞেঁ নেই,বুজ্যা বুড়ি গায় গায় ;
মোঘো কধায় মাসমূলা সংসার বেড়ায়।

তা মা আগেহ্ বিচ্চোনত্ ঝুরিঝুরি ;
গাঙ্ হুলে কুম্-কুত্তি, কমলে যায় জুরোগুরি।
বানাহ্ ভাবঙ্, কেনে যেম্ সংসার ছাড়ি ;
মামাহ্, বাবাহ্, ন’ ডাগন্। ডাগন্ ইক্কে বুজ্যা-বুড়ি!!!

নাদিনে ন’ পারন্ বেলে, জাদর ভাচ্ ;
আদামত্ এলে ভিলে পেবাক্ লাজ্।
মজা, পুগি, পুক্, জুক্, আদাম’ কাজর ;
কেনে কেনে সয়েবাক্, দুখ্ অ’সায়র।
অ’লে পুড়িবাক্ পিড়া, ইধু ডাক্তরও নেই ;
ন’ এজন্ আদামত্, বেক্ কিজু ভাবীনেই।

১৭/০৬/২০১৫
*তলোই = ধান্ শুঘেবার তলোই, যারার পাদি কিনিবার সামত্ত ন’ থায় তারা বিচ্চোনি ইজাবে বেবহার গরন। ঘুমো তলোই।
২*রুধে, রুধত্ = হুব্ অভাব। অভাবত্, অভাব্।

 

LEAVE A REPLY

Please enter your comment!
Please enter your name here