“তুই এবে ভিলি”(চাকমা কবিতা)

0
52

তুই এবে ভিলি

 শ্যামল তালুকদার


 

সিবে কন্না এই মন মায় আহ্-মিঝে যায়,

মন দোরান মেলি দিনেই নীগিলি এধ চায়

এ পধেদি নিত্য আহ্-দে

সামবাদ ধরে এত্তে-যাদে

মর পরানে ধরফরায়——

উজোন-লামোন গরে বানাহ্ এই মনান-মায়।

কন সাগরর ভাজি এঝে

সেই রবো তার এনেই ঘেঝে——

বাজি উধে দ্বিয়ান কানত

গম লাগে মর এই মনানত

দঘিনো আহ্-বায় আহ্-বায়

উজোন-লামোন গরে বানাহ্ এই মনান-মায়।

মেঘ সান্যে আগাঝ-জগা বেরায় ভাজি ভাজি

ভঙরা সান্যে ফুলে ফুলে উরে নাজি নাজি

কধা ন-কলে তা সমারে

সিয়ান সালে কী ওহ্‌ই পারে

মরে বেজার পায়——

উজোন-লামোন গরে বানাহ্ এই মনান-মায়।

মানেয়-কুলত সাগর মানেই সুগর দুগর মন

মোন-মুড়ো আ ছড়া-ছড়ি আগাচ্ মাদি বন

সাগর স্ববন আঝা আঘে

মর মনানে বেরেদ মাঘে

তেও ম সমারে থায়——

উজোন-লামোন গরে বানাহ্ এই মনান-মায়।

মন দজ্যাত তুবোল উধি তুবোল যায়

বেক কধায়ানি বুক ফারিনেই নীগিলি এধ চায়

আহ্-জার কধা উধে পরে

কবির মনান কেজান গরে

কবির গভিন মন-মায়——

উজোন-লামোন গরে বানাহ্ এই মনান-মায়।

মাদি পেল পানি পেল——

পেল বেল পঅর

বীজিবোত্তুন গেজেই উধি গাঝ চারাবোই কর:

আন্ধারত্তুন নীগিলি এলুং

এ পিত্থিমির পঅর দেঘিলুং

দুয়ো মেলিদুং চাং,

এ পিত্থিমির মাধি ছারি

ওহ্‌চ অহ্‌য় দূরোর আঘাচ ফারি

ভালক দূরত যাং।

………………….

 

LEAVE A REPLY

Please enter your comment!
Please enter your name here