সনার চিজি
আলোময় চাকমা
সনার চিজি আঝিলে,
দ্বি আহধ্ তুলি নাজিলে,
হুত্তুরি বুজ্যার রাক্ জুরায়।
নাক্ বাজি আর চোখ্ বাজি,
বগড়া দাত্তোই দোল্ আঝি,
দেগিলে পরান্ ধরফরায়।
রাঙাঁ চিক্ চিক্ দ্বিয়ান্ গাল্।
বাবা চুয়ার ভুইয়ত্ য়াল্।
আয় আয় ডাগের বাবারে।
মামা দের বেগুনো তাবা,
উলোন্ ছালত্ দগিনো আহভা।
তুচ্যা ন’ লাগিয়ো হিয়য় মামারে।
সনার চিজি ভাত্ রানে,
মুগুজো গাজ’ ফুল্ আনে,
মালা ভাঙালোই।
সনার চিজি লোবিয়ত্ গরে,
চিক্কুয়া ডাগের তরে মরে,
এজ’ বেক্কুনে খারা অই।।
১৯/১২/২০১৪
