♪♪ ওলি ♪♪ ( চাকমা ছড়া )

0
47

♪♪ ওলি ♪♪

আলোময় চাকমা


ত’আবে (বাবা) যিয়ে হাট্টোনত,
ত’মা (মাহ্) আনেল্লোই পানি।
ত’নানু (নানু) দিব’ হুচ্ছো ভরন,
পিত্তুংগুলো আনি।

সনার চিজি ঘুমান যা……..
ঘুমান এজের লাঙেল দিঘোলী,
জুমোর মাধাত দিনি।
ঐ…… ঐ…….. ঐ……. ঐ…..

পিদিত দিলুঙ রাজার বিচ্ছোন,
শুনিথাক চিক্কো “ক”বির পশ্চন।
….. চৈতমাস্যা হরানত,
…….নেইদি পানি ছড়ানত।
ইঁ…… ইঁ…… ইঁ……… ইঁ……

বুড়ি হয়দি মুই এক হুলুঙ্ হাং……
বুজ্যা হয়দি…. ধুর!
“ক”বি মাবো এনেহ্ এনেহ্,
এক্কে উয়ে “দুর”।
ঐ…….. ঐ……. ঐ……. ঐ…….

আগারেদি গেলে চেয়োত বাজিবে….
এধেদি গেলে দুবোত।
বড়পেদা এজেরবো… দুলো ধুরি,
পোল্লে থাক্কোই দুরোত।
ইঁ……. ইঁ……. ইঁ……. ঈঁ…….

পেত্যো পাদার হোগা পিধে,
মূয়োত বাহঝী থায় সেধক মিধে।
সনার চিজিক্কো ঘুম যেব’……
বিনি হোগায়ুন গাই হেব’…….
ঐ……. ঐ…….. ঐ……. ঐ…….

ওলি ওলি…… ওলি ওলি…. ই..
….. হিরিং হিরিং ধুলি।
এই ঘুম আনিল’ হত্তাহ্ বাবু,
…… সনার পালকিত তুলি।
লোক্খি চিজি ঘুম যেব’…….
ওলি ওলি…… ওলি ওলি……
ইঁ….. ইঁ……. ইঁ…….. ঈঁ……..


২১/০৯/২০১৫

LEAVE A REPLY

Please enter your comment!
Please enter your name here