তিমপুর (চাকমা ছড়া )

0
19

 তিমপুর

আলোময় চাকমা


ছ’কুড়ি টেঙাঁর রুবোরাদি ;
তিন্ কুড়ি টেঙাঁর পিনোন্ খাদি।
মালাহ্ শুগোর ইক্কো পাচ্ মুত্যা ;
মদ্ দ্বি হুম্ দক্ মুখ্যা।

জরা কুরোবুয়ো লক্ষীয়ে পায় ;
আনি পেবাচ্যা হামাক্কায়।
সাজং সাজং বো নিবা ;
বেঙ্ পাধি ঝাকঁ আনিবা।

বো লামেবা, ঢুলো ডগরে ;
বো পুর আয়ুন্ মাজ’ সোমবারে।
দাবাহ্ টেঙাঁ বাদ্ দিলাক্ ;
তিমপুরো খানা ছিরেলাক্।।


০৯/০৬/২০১৫

*সাজং- এক্ দিনো ভিদিরে। বিঞ্যাঁ পহত্যাতত্তুন্ ধুরি বিল্যা সং এক্ ছলায়।
**বেঙ্ পাধি – বাদ্যযন্ত্র বাজেয়া দুলি।

LEAVE A REPLY

Please enter your comment!
Please enter your name here