মূল্ বিঝু ( চাকমা ছড়া )

0
30

মূল্ বিঝু

আলোময় চাকমা


বোনোই আধত্ পিধেমজা ;
বেবে আধত্ সাগর পঝা।
নুও ছিলুম্ দিবাক্ আনি ;
ম’ মনত্ ভজান্ আঝা।
গেল্লে কিল্যা বিল্যা বিল্যা ;
বেবে-বোনোই আমা উদোনত্।
মামা আঝের খুজীয়ে……
বেবে-বোনোই ইচ্চন্,
বিঝু বেড়ানত্।।।

মন্ গুমুচ্যা হুত্তুরিবানা ;
ইচ্চা তার হি অয়ে ছ’না।
আদামর বুড়োবুড়ি,
জুউ জু দের ঠেঙত্ ধুরি ;
গুরোজন্ যা আগন্ ;
কিরবে গরের, আঝের, মাদের,
গোদাদিন্নো কাদে দের,
আঝি কলক্ কলক্ গুরিনে।
বিঝু তুই ইচ্চোচ্ ভিলিনে।।।

দশঘর বেড়ে পাজন্ খেলুঙ্ ;
অয়ে যেক্কে পেঠ্ ঊভুঙফুঙ্!
কুইয়াঙ্ আলু, দাজ্যা ইজা ;
ন’ কঙঁর ভেইলক্ মিজা মিজা।
কাম্মোবী রাইঞ্যাঁ পাজনান্,
খেলে বেলে, বাঝী থায় পরানান্!!
নাঙেঁল্ দীঘোলি পধ্ বে….
ঔ…. ভেইলক্, যেই যেই, যেহ্… ।।।

জুউ জু দিলঙগোই জিধুরে ;
“দেঘিলে ভজদোক্ শত্তুরে”….
এগে এগে……
সেপ্ বাট্টা দিল’ বেগরে।
চানাহ্, সিংগোবা, ইজোরত্,
বজিলঙ্ আঝিরঙে মোনঘরত্।
জঙঁরাত্ পাজনতোন্ হাঝি খে ;
বেড়েবং গোদাদিন্নো মন্পুরে।।।


১৩/০৪/২০১৫

LEAVE A REPLY

Please enter your comment!
Please enter your name here