ভাজে দিলুঙ্ ( চাকমা কবিতা )

0
25

ভাজে দিলুঙ্

আলোময় চাকমা


সোত্যয়ান্ বুগোত্ বানি
দ্বি দিঞ্যাঁ এ জিংহানি,
আঝা এল’ গঙেঁ দিম্।
গেলাক্ও বিদি ভালকদিন্।
ইক্কে আয়্যি ঠেগা অহর,
ছারা পুড়িবের দ্বিজে অয় মানেকঘর!
……ভাবঙর চে ভাবঙর।
সোরসোস্যা মুজুঙোঁ দিনোর পোইদ্যাউন্
হিত্তেই মুই বিজোল্ গোত্তুঙ্,
হুজোত্ ফেলেনেই চোঘোপানি!
আনুদোর ; আনুদোর ভাবঙর জিংহানি!
.
সেনত্যে দ’ এচ্যে ভুদিবানি,
ভাজে দ্যুঙর ছড়া লামনি।
মিজেয়ানি থোক্, হাঝায়ানি যোক্।
লুচ্ছেয়ানা এ দিনোত্।
বলবলা ওক্ লুচ্ছেয়ানি।
ছাহবি নেজোক্ পিত্থীমি।
যুনি চল্লে উজু উজু,
মুজুঙেঁদি দিনুনোত্,
হেনে উজোনা উজোনী।
.
রাজত্ব গরের “সুবিধাবাদ”।
ভাব বুজি মেলা আধ্
উচ্ছো দিন্ ফৃরেইয়ে,
লুচ্ছো দিন্ জিদি লোইয়ে।
ন’ মাধি শুনি থাক্ ; যেন্ তেন্ তরিবে,
অজেঅজ্ মাত্তোচ্ ; দিন্নোয় হত্তে….
আঝার তুই জুমোরান্ মাধাত্ দেয়,
ভিজিবে চ্যে ভিজিবে!!!


২৩/০৮/২০১৬

LEAVE A REPLY

Please enter your comment!
Please enter your name here