গাবুরো ইধু (চাকমা কবিতা )

0
21

গাবুরো ইধু

আলময় চাকমা


শিরোপানি ধক্ পহন্!
বুগোত্ তর রাঙাঁ স্ববন্!
গঙ্ ডাঙঁর, মন্ ডাঙঁর গাবুরো মন্।
দাধ’ তর বুগোপাদা ;
বানাহ্ কাম্, নেই কধা।
*পহরাজ্ কি জিনিস্ ন’ চিনচ্ ;
বলপিয়া **আমিক্কন্।।

তরে,
আধে ধুরি সাম্বাদ্ দ্যুঙ্ ;
ন’ ভাবীচ্ বানাহ্ মুজোঙ্।
কয় পোগোন্ পিধে তুই হিয়চ্ ;
দুখ্ দরপ্ কি লাগত্ পিয়চ্।
বস্ তর কি উয়ে…..
ইচ্চা-কিল্যা গাবুর অলে।
অদ’ নয় চ্যা….
ঝিমিদত্ রাগ্ তুলি ;
পিত্থীমিয়ান্ ঘিলে পা দেলে।

ভাবন্-বুজন্ পিজেদি থোইনে ;
মুজুঙেদি যুনি দ্যুচ্ বলা’নরে।
চিত্ ন’ পুরোচ্ যুনি পরানরে।
শেজ্ কালে পত্তেবে….
সাঙেঁত্ সমার ন’ পেবে,
অসময়ে ডাগিলে কিয়রে কায়কুরে।
নিজর যা আগে বুদধি ;
মাঘী লবে আর’ নিলোজ্ গুরি।
পরকাল্ ন’ ভাবীচ্ ;
ইহকাল্ যেবে হামাক্কায় তুরি।।।


১১/০৬/২০১৫
*পহরাজ্ – ক্লান্ত, বলপুজ্যা।
**আমিক্কন্ – সবসময়, তাক্কাতন্।

LEAVE A REPLY

Please enter your comment!
Please enter your name here