মিধে আঝি ( চাকমা কবিতা )

0
30

মিধে আঝি

আলময় চাকমা


আমিজে চোগোত্ ভাজে ত’ আঝি ;
ঘুম্ নেই দ্বি চোগোত্ ;
এগোর ওগোর গদা রেত্ ;
পুরিযায় পহঁত্যা রাঝিঁ।।।

আগাজত্ নেই তারা পহর ;
মন’ কধা কোম্ ভিলি এক্এয়র।
কধা কধুং তারা’লোই ;
ইরুক্ কধা কঙ্ যারালোই।
কালা মেঘে ঢাগি যিয়ে দেবাবো ;
রিপরিপ্ অশীজি র’!
ডগরের কবা’বো!!!

মনত্ জবং ; সপ্পানত্ নাঙ্ ঘিনঙ্ ;
সময় অসময় ন’ চিনঙ্ ;
কধা বাট্টাত্ মর নেই ভেল্।
পানি খাদে যুনি বিষুম্ যাচ্ ;
পারংভিলি পারং ভাচ্ ;
হুরি হুরি ন’ দিচ্ গেল্।।।

চুল্ বেরেই ছত্রং ফুল্ রাগেদে গুজে ;
নুদি আঝি, নুদি চোখ্ ;
ঈধোত্ উদিলে এ বুগোত্ ;
এ পরান্ যোক্ থোক্!!!
এ মনান্ পাগল্ সান্, কানে আঝে ;
পরানবী যুনি তর মিধে আঝি ;
মর দ্বি চোগোত্ ভাজে।।।


১৩/০৬/২০১৫

LEAVE A REPLY

Please enter your comment!
Please enter your name here