নিঃচিদে এক লেজা ঘুম… ( চাকমা কবিতা )

0
30

নিঃচিদে এক লেজা ঘুম…

আলোময় চাকমা


আড়ন্দি রাজার এ দেজত্,
চবাল চবাল মনানত।
আমিজে মেক যুনি থায় আগাজত,
ঘালা ঘালা পেরাক গুরি,
সুঞ্জুকনিয়া বিচ্চোনত পুড়ি।
ঘুম ন’ এজে দ্বি চোঘোত,
হাদাঙঁর জীংকানি জনমান ধুরি।

হি চোয়োত এ্যরা-মাজ!
আমিজে ঘরপোড়া, মানুচমরা চিন্দেবাচ!
ইন্দি নয় উন্দি, যিন্দি য’ সিন্দি,
আমা ঠেঙঁত হাদা ফুদে বেড়েলেও ফুনদি!
ডদ্দর, থত্তর! বুক ন’ বানে আমনর!
হি সুখ জীংকানি,
ছলঙান বোয়ে মুরির,
আওচ, মন পরানর নেই লরচর!!!

একলেজা ঘুম অব’ নিঃচিদে,
ঢেব’তেব’ নেইচ্যা ভহ’ভিদে!
ভাঙাঁচাঙাঁ ইজোরত্ আধ সিধেন দিই,
স্বাধীন দেবাত তলে।
সে ঘুম লেজাত যুনি থান ন’ পাং,
ঘুমে ঘুমে যুনি মুরিও যাং,
“মুই স্বাধীন দেজর মানে”
বুক অজল গুরি হোই পারিম্মোই,
যম রাজারেও অহলে!!!

স্বাধীন দেজত এক সাজ ভাত,
নুন চুমোলোই ওকনাহ্ হলাপাদাত।
যুনি হে পেদুং নিঃচিদে বোইনে,
হত্তমান ঈল ওলুন হিজেনি….
বোজে ন’ পারিম হোইনে।।।


২৮/০৪/২০১৬

LEAVE A REPLY

Please enter your comment!
Please enter your name here