মুই আগঙ ত’ লগে ( চাকমা কবিতা )

0
36

মুই আগঙ ত’ লগে

আলোময় চাকমা


বৈজাখ্যা দাঙঁদাঙ্যাঁ রোদোত্,
যেক্কে আড়া কাজেবে জুমোত্,
যুনি ত’ মাধাউজু মেকচাগা ছাহবা দেঘি,
মনে গুরিচ্ সিবে মুই।
ভুঙিঁ ইচ্চোং চ্যা তর হোচপানার ধারাজে।
ঘামে ভিজিনে যেক্কে গাজ’ ছাহবাত্ জিরেবে,
বুইয়ার ওই তিনাঙ্ ফালাঙ্ গুরি য়েম চ্যা,
আহবা হেচ্, হুলি দিস্ বুক্,
নিজেস্ লোচ্ আওজে।

ঝড়ফুদো ওইনে ঝুরি পুড়িম্,
তর ধান’ হুচ্চুন্ নাদি দিম্,
গেজেদিম্ তর বীজবীজিদি।
বাহনে দিম্ তর বৈজাখ্যা ধান্ গোজাউন্।
হায়হুরে জুমোরান্ থোচ্,
ফারক্ ন’ উয়ো ননন্-ভোজ্।
ন’ ডরেস্ ন’ ডরেস্ ও পরান্…
দেবা পেরাক্, বৈজাখ্যা ঝড় লেজাউন্!

আমিজে ভাবীচ্ ত’ লগে,
মোন্-মুড়ো, ছড়া-গাঙ্, দোনাদুনি, হলগে..
পত্তাপুত্তি, টেনটেঙুঁরি রুক্ ধুরি,
চুল্ ঝুধোত্ ন’লে পুল্যাঙত্ পুড়ি,
সাঙেঁত্ সমার আগঙ্ ভাবী লোচ্।
ত’ মন্ গধাত্ যুনি ঝাপ্ দি পড়ং,
পরানি, ভুক্ ন’ লোচ্!
যুনি পারচ্, মিধে আঝি এক আজুল্,
ম’ নাঙেঁ নীজি থোচ্!!!


২৭/০৪/২০১৬

LEAVE A REPLY

Please enter your comment!
Please enter your name here