সধ্যা মূ ( চাকমা কবিতা )

0
20

 সধ্যা মূ

আলোময় চাকমা

জেবত্ নেই টেঙাঁ ;
ছড়াত্ লামিবের দরাং,
যুনি পেক্ বাজে।
মিজেল্-নুন্ নেই লুডুঙোত্,
যে খরচ্ মুজুঙোত্,
খেবার মনে হয় এরা-মাজে।

খুব্ সুঘে হাদেয়ঙ্ গাবুরোকাল্,
মেদবান্, মালেইয়া পেলে উভোলফাল্।
যিয়ন্ সুঘোর দিনুন্ গুঙিঁনেই।
মর আক্কল্ যুনি গম্ অলে,
বুড়ো বস্ কালে,
মরঙর কিয়া আঙুলোপাব্ গুনিনেই।

মদ্-ভাঙ্, ধুন্দো-পান্,
মুজুঙোত্ পলে কি ন’ খাঙ্!
মর পালঙ্ সপ্পানত্।
এক্ সমাজ্যা কালাচানে,
কাম’ নাঙেঁ ভাত্তুন্ও মানে।
ইক্কে তা পুয়ো জাপানত্।

মিলে তিন্নো, মরদপুয়ো চেরবো,
ঝাড়বো ঝাড়বো, ঘরবো ঘরবো,
ঠিক ন’ দোন্ ঘরানত্।
তে নয় তে নিত্য দজিয়ে!
ইন্দি মর পেঘাত্যা উয়ে,
কদক্ যে পারে বিচারত্।।।

১৯/০৩/২০১৫

LEAVE A REPLY

Please enter your comment!
Please enter your name here