চ্যে থেবার ( চাকমা কবিতা )

0
32

চ্যে থেবার

আলোময় চাকমা 


দেবাহালাবোলোই কালা মোন্নোয়,
যেক্কে অবাক এক লাগার।
উড়িবাক চ্যে নাদেংকুত্তি,
দুয়ো মিলিবাক মোন বগায়।
ইজরর দোগোনত্তুন হাদিয়ান
পারি আনিবগোই পরানী।
সেক্কে বুইয়ারে উড়িবো চ্যে তার চুলানী।
মরে কিয়য় হবানী?
কার হোবালত আঘে ইয়ানি।
চানাহ ভুরোত বজিনে দেঘিবার?
বাঃ! ইজু চ্যে থেবার!!!

মোনো পিদিত বাজের ব’।
উবর চিদর গাজ’ পাদা উড়িযার।
হিজিক হাজাক গুরোঝাক উদনত।
গরু ছ’ ইক্কো ডগরের হুজি রান্যে জুমানত।
ঝাড়বো হুরোবো থেকনেই হদাক হারের।
গাজে গাজে পেগো র’ সয়সাগর।
মরে তুমি হোবানি?
কার হোবালত আঘে ইয়েনি।
ঘরর চানাহ ভুরোত বজিনে শুনিবার।
বাঃ! বানাহ চ্যে থেবার!!!

শিমে গাজত শিমে গুলো,
আগুলুত্তে ধুজ্জে তুলোনি ফুদিযার।
করদ উদের গাজে গাজে,
হিজু গাজত পাদাও নেই।
ফুলুন ফুদদন মাত্তর আওজে।
সাজি উদের পিত্থীমি,
মাত্তল ওই যার তুমবাজে।
দ্বিবে চোখ যিন্দি যায়,
কারে পেদঅ চায়???
হি দোল পিত্থীমি!
এ জাগা ছারিলে পেবানি?
আলুলো দুলুলো সংসমাজ্যে মেইঁয়ানি?
যিদু আঝির রুজিয়ে পেলাংবার।
বানাহ হোচপেবার, বানাহ হোচপেবার।
আঃ বানাহ চ্যে থেবার।

এক্কান ঘরত আজু, নানু,
ঝাক্কুয়া অলেও ধরাধুজ্যে গুরি বিদিযার।
মুয়োত পড়োক, পেঠ ন’ ভরোক।
ভাগগুরি হিয়ন, দিক ন’ পড়োক।
নেইত্তুন নেই ভাগাভাগি।
ফিড়িংয়ো হিয়ন ভাগগুরি।
হি দোল এলঅ সংসার!
মা-বাপ, বাপ-ভেই শুন্যনি?
পুদোবৌই যেক্কে শুওরিরে ডাগিবো মা মা,
পরান ফেলেব’ পা!
ইজু শুনিবার! আ হোচপেবার!!!


২৭/০২/২০১৮

LEAVE A REPLY

Please enter your comment!
Please enter your name here