ও পুত মাধা হা! ( চাকমা কবিতা )

0
38

ও পুত মাধা হা!

আলোময় চাকমা 


চায়ুরি দিলে বেতন দিলে,
কাড়ি নিলে মাধতানি।
পাওরি ফেলেলুঙ দুখকাম,
ইক্কে ন’চলেআর আধতানি।

যেক্কে ন’এলাক জেবত টেঙাঁ,
মুয়োত এলাক উজিত মাত।
আমিজে ভাবীদুঙ হেনে বাজিবাক,
পড়া হোবাল্যা জুম্মোজাত।

বেড়িয়োং রাজ পদে পদে,
মোন – মুড়ো ফাড়ি।
শহর, বন্দর, আদামে আদামে,
অঞ্জুর বেড়িয়োং ঘুরি।

চায়ুরি অলঅ’ টেঙাঁ রাত নেই,
রাত পুড়িলো হধানি।
আমিজে থায় পরানত ভয়,
হক্কে পড়েগোই ভায়োন্নি।

ইক্কে ভাবঙ, পুওগুন মুই,
হেনে বানেম বিসিএস।
“পুতলক মাধা হ’! রাজনীতি থ'”
আমিজে দ্যং উপদেজ।

দেজ-জাত চিদে দিলুং ভাজেই,
স্বাত্তর পৌইদ্যানে।
নিজে বাজিলে ভেলে “বাবর নাঙঁ”
হনধে শুনং বেক্কুনে।


১৪/০২/২০১৮

LEAVE A REPLY

Please enter your comment!
Please enter your name here