ফুল বারেং পেজ্ এর ভুমিকা (চাকমা কবিতা)

0
39

ফুলবারেং পেজ্ এর ভুমিকা

আলোময় চাকমা

মনর জঞ্জাল্ ভাবনানি,
ফাদাঁ কানিলোই গিরেবানি,
কবগত্তুন্ কবগত্, সিংগোবাত্তুন্ পিজোরত্,
দোগোন্, ফিবেগর চুমোপাবত্।
ভাঙাঁসাম্মুয়া আ উত্তোমাজাত্….
কয়যুক্ লাড়েলুঙ্—–।
এজাগাত্তুন্ ও জাগাত্।

উইয়ো ভাগে আ উন্দুরো ভাগে,
বরবাদ্ যেই যা কিজু আগে।
যত্তন্ গুরি ধোইপুজি,
সুমুরি থোলুঙ্ নিঝি নিঝি।
কন’ এক্ গম্ হেনত্—-।
Facebook Pages র আওজর “ফুল্ বারেঙৎ”।

তেবে তেবে থুবিয়া মন’
কধানি তবাহ্ পুরে।
ইচ্চা মুই তমা নাঙেঁ
দিলুঙ্ উড়ে।

যা এল’ এ মনর…
রঙচঙ স্ববনর আ সুখ্-দুগোর্!
গত্তাল্ গত্তাল্, হুক্কুরুক্ হাক্কারাক্,
ডেমাডেম্যা আ আবাকভাক্।
সংনিইয়া, লামালাম্যা,
ছিনেকুদো জরা ন’ বুত্তে কধানি।
সেদাম্ও মর কম্,
আনুনি নেনা নুনজো……
কেজান্ অলাক্ কিজেনী।।।

১৩/০২/২০১৫

LEAVE A REPLY

Please enter your comment!
Please enter your name here