স্বমনানি পুড়িযার ( চাকমা কবিতা )

0
29

স্বমনানি পুড়িযার

আলোময় চাকমা


শুক তারাবো ন’ জ্বলোক আগ’ ধক,
ন’ উদোক আগাজত।
যোক, মেলে যোক হোচপানানি,
তার – মর ঝিমিদত।

আগাজত ছিদি পত্তোক সাতবোন তারাউন,
ন’থোক তাহরার নাঙঁ সাতবোন তারা ভিলি।
সুবো-সুবি ন’ ওদোক আঝার বজরেও দেঘাদেঘি,
তাহরার মনঅ হধানিও ন’ হোধোক হুলি।

তারা জাঁঙাল্যয় পহর ন’ ছিদোক আগাজত,
ন’ আঝোক আগঅ ধক পুনং চানান।
মিলে যোক, মিলে যোক তাহরার পতপত্যা পহরানি,
যেন মিলে যেইয়ে তার আর মর হোচপানান।

যে পহরানি দেলে ঈদোত অয় তার-মর হোচপানা।
স্বমন ব্যুনিদং মোন – মুড়োত রংধঙেঁ বাজি থানা।

ইক্কে এ্যবল তে নেই।
হোচ ন’ পায় আগঅ সান।
আঝি যিয়ন মুজুঙোর দিনুন।
পুড়িযার স্বমনর মুজুঙাঁন।


২৬/০১/২০১৮

LEAVE A REPLY

Please enter your comment!
Please enter your name here