এ মাধান
আলোময় চাকমা
সবরক ফুলুনে পাগোর মেলদন,
ফুদি এজের তুমবাচ।
ইত্তুক ইত্তুক পড়ে জার,
গঙিঁ এলে সাজ।
একজুর বার্গী আগাজত,
দুয়ো মেলি ভঙদন।
রিপরিপ শুনা যায় আদামত,
হারে হিয়ে ডাগদন।
নারাহ ছেরে নারাহ কাবা,
ছুমি থুপ থুপ।
য়েল আগাজত ছিনে মেঘ,
চেলে ধুব ধুব।
হুরদন ক’উনে
নিবিরত গুরিনে।
মুই আগঙ মোন ঘরত,
চানানত পুড়িনে।
জুমও নয়, রান্যাও নয়,
চিত দ’ ন’ ভিজের।
হারে হোম মনঅ হধা,
হি উদের হি পড়ের!
হুয়োঙেঁ হুয়োঙেঁ রানী হুয়ো,
সুধো গলাহ সান।
লুজুরুক গুরি হা হায়,
বজিদো চায় এ মনান?
25/11/2017
